最近市況

本身寫緊一D身邊朋友嘅故仔, 覺得同我地操盤面對嘅難題好接近, 但打打下又好長, 所以今次先講下最近市況, 聽晚Happy Friday 再講下故仔。
呢排見到佢一路升, 但個成交量又唔係好大, 有D人可能會擔心佢係假升, 無疑係升浪之中, 成交量係應該跟住個市升一齊增加, 但我如果話佢而家唔算係升, 只係反彈, 甘成交量呢樣野就變得有其他解讀空間, 而成交唔增加都唔係一個太大問題。
佢一路彈上黎, 成交量的確唔夠, 但如果淡友真係發力, 甘少成交量之下其實要推返佢落去好易, 不過佢地一路無甘做, 反而係甘俾好友係甘入, 少少錢已經推個市上左成2000點, 因為淡友覺得而家未係一個岩打佢落去嘅位, 根本無出力守過, 就好似一個鐘擺未去到最邊個時你要推返佢轉頭係好哂力。
而另一邊, 想沽貨嘅市場參與者叫價越叫越高, 又唔係好想沽, 反映市場supply 短期內唔多, 因為無誘因令佢沽貨, 而且market depth 唔夠, 一大手放出黎就令個市大散, 佢地都唔會甘傻等自己出唔到貨。
有D 先行者係21000點左右已經掃左貨, 佢地未必再掃住, 係潛在supplier, 會等個價再高D先慢慢出黎。
而另外個D未買到貨又俾越叫越貴嘅supply side 吊住條引, 越買越上, 所以成交keep 住係呢個水平。
所以而家成件事就係好友不斷試緊淡友低線, 而淡友同持貨者2邊都未急住散貨/出貨, 所以不斷上, 而沽落去其實無咩力。
反而去到一日, 無啦啦大升加大成交, 想買貨嘅人中哂winner's cruise, 大規模追貨, 甘先反而可能係反轉信號, 俾個市場深而家最好就係順勢做, 之後坐定定係度, 等到個市有大幅ge supply 出現或者無啦啦大成交量上升先跟住派哂自己D貨俾個市啦!