強力反彈，市底強唔強?

恆指於上星期五展開強力反彈, 並一舉升穿20天平均線, 看似十分強勢，但係一諗到入市博，又覺得最近個市，特別係指數，仲難摸過女人心，忽上忽落。其實指數只係成個市場嘅其中一部分，玩開港股嘅朋友成日都會見到「托沽」或者壓住收貨嘅場面，基本上望住指數就係望住一個俾人造出黎嘅幻象，要避免瞎子摸象，我地需要睇哂成個市場嘅資金流向，隨時發現比跟著大市走更多嘅機會。

市場係由個股逐d逐d組合而成，要睇哂市場全相，就先要將香港所有上市比較一下強弱同有無資金湧入，甘就可以大概知道市底強唔強啦。以2015年9月7日（當日近期最低位，即使9月29日指數再破低位，大部分股價比當日更高，故以9月7日作基準）比較2015年10月2日全部上市股份, 而所有上市股份的股價及成交量比較資料不包括下列股份:
1. REITS
2. 2015年9月7日或2015年10月2日暫停買賣的股份
3. 上市權證/備兌認股證, 如1437等
4. 窩輪/牛熊
5. ETF 即2800, 2823 等成交及股價資料
6. 創業版, 只計主版

結果搵到1,518隻上市股票, 當中再分開不同市值組別及藍籌股，加上比較總體市況（即恆指及整體成交）結果得出以下結論:
1. 恆指2015年10月2日收市比2015年9月7日收市上升4.48% (圖1)
2. 未經weighted average （所以同恆指唔同）的藍籌股期內平均上升4.26% (圖2)
3. 整體市場（包括衍生工具，ETF,REIT)成交成交期內上升28.2%, 而所有上市公司的成交上升49.9%, 加上所有上市公司的成交佔大市成交由9月7日60%上升至70%, 代表資金開始入正股,而不單買買ETF/衍生工具 (圖3)
4. 大於500億市值的股份期內上升4.75%只略優於恆指, 而成交增幅比整體大市略好, 而大型股多數係藍籌，就甘睇有機會係禁住大市指數,而買緊其他貨 (圖3)
5. 除大於500億市值的股份, 其他升幅皆優於大市走勢不少，證明市底唔弱，大部分股份股價都已先行反彈，而且升幅唔少 (圖3)
6. 0-10億市值公司雖升得唔錯, 但成交漸縮, 比9月7日更減少30%。所以要炒要考慮2 個因素: 一.Liquidity, 成交細, 市值細, 買左可能走唔到. 二. 升幅無成交量支持, 呢個category 股份可能虛火, 少心D, 無咩心血最好唔好炒 (圖3)
7. 50-100億及100-500億市值股份升幅最好, 平均有7%以上, 大幅跑嬴市場。而100-500億成交更比9月7日增加69%, 可以理解為資金流入。在成交及升幅支持下, 此類2線股份看來是穩陣之選, 而且最近熱版塊如車股, 科網等一D 有提材的股份都大部份在呢個100-500億size 入面, 數據和現象都好附合。(圖3)

綜合黎講，市底算係強，唔計大價股，大部分股份升幅唔錯，成交都唔錯，特別係市值較大的2線股。而呢樣野都配合市場心理，而家市況雖彈, 但依然好sentimental, 只要少少事就可以嚇到個市散哂, 如果亂甘買細價股, 一但無啦啦急跌, 自己個心理都會好驚, 相反一D 優質2-3線股反而質地好D, 個心都夠膽坐下, 所以市場上資金流都反映左呢樣野係數據上面, 做成50-100億及100-500億市值股份升幅最好, 成交量亦有所增加, 所以想短炒下嘅購友就可以係呢類size 入面尋下寶, 不過記得風險管理!
P.S. 如果d股份比9月7日個價更低ge,基本上弱於大市，可以filter 走。如果夠150個like 加20個share 就分享下100-500億市值個list同埋有咩股份係入面啦！