第一次係Molecule Z 分子金融呢個咁好的平台作出分享，有感分子金融的想法和自己的小小諗法十分相似，所以有機會在這多元化財經平台分享一下小小投資投機的一點想法，實乃筆者的榮幸。

一打開分子金融的簡介後劈頭第一句就會見到「於現今社會，資產不斷被通脹蠶食，其中一個解決方法就是投資。」筆者心感認同，作為一個香港八十後，眼看著香港經濟高速增長時期係我地小學時已經落幕，之後面對大學未畢業便遇上金融海嘯，世界經濟唔明朗，大學生人工起薪點數十年來不變，然後美國QE，令到我們手上現金貶值，正正是因為社會和經濟模式的轉變，我們再不可以單靠一股蠻力，就咁打份牛工，而是需要有一個理財計劃，精明咁運用我地嘅籌碼，適當咁做資產配置，令金錢為你效勞，以錢搵錢去累積財富。

有睇過法國經濟學家湯瑪斯．皮克提所寫的21 世紀資本論都知，而家講緊嘅社會現象係資本回報率大於經濟及收入增長，用資本增值方法借力打力是必然的事。 可是，特別在現今社會和經濟模式轉變快速的環境下，如果不懂捕捉趨勢，運用手上資本者，結果亦會被社會吞食財富，引致資產日漸萎縮。所以我們要避重就輕、順勢而行，巧妙運用各種投資工具，趁着年輕時工作收入穩定，在投資路上利用「以正合，以奇勝」，以奇兵在股場上把握潮流，懂捕捉趨勢，乘浪獲利，再把資金放入能夠產生被動收入的資產中，作為「以正合」穩守突擊，並為未來打算，慢慢建立起不用工作都有收入的投資組合，配合資產增值，長遠定能為自己提供財務自由。

作為八十後的我們經歷的轉變多，而且在資訊發達下知識吸收的機會大，搜集資訊夠快，我們絕對有能力捕獲趨勢，乘浪順勢，做到較快速的資產增值。所以未來我會係呢個平台講下一點捕浪的諗法，包括技術分析的一點看法，買賣上的一點心理，不同投資投機工具的運用等，和大家一起邊做邊學，更希望能和大家一齊多多交流，到達成功的彼岸。

http://www.moleculez.co/#!點解要炒股/cojo/5609f3660cf2f0ed7a263d54

人貴自知，自知者明

孫子兵法中常道「知己知彼」，但在市場操作上，大部份人花不少時間去了解市場動向，做到「知彼」。可是同時亦不能忽略「知己」，所以我們應該要了解自己的操盤手法，找到當中強弱，真正做到「知己」。
很多人認為要分析一間公司好與壞，可以從財務報表上面下工夫，其實投資如同經營一間公司，要知道和改善自己的盈利能力，都可以從投資的財務報表看出端倪。投資上的財務報表正正就是我們的交易紀錄，不單應該定時審閱，更應不時分析，找出可以改善的地方。
要分析交易紀錄，我們要多做一重工夫，可以證券行的流水紀錄作為基礎，先取得一些基本資料，包括總盈虧、交易費用、交易次數、每筆交易盈虧。但不可單靠該紀錄，我們可透過這些基本資料，再獲取下列數據：
1.平均盈虧（總盈虧/交易次數）、平均盈利（獲利總額/獲利次數）、平均虧損（虧損總額/虧損次數）。從以上3項資料，可以了解自己盈虧時金額的比較，從而知道自己錯時有否嚴守止蝕，減少損失，而贏時則讓子彈飛，增加獲利金額，目標是提高平均盈利，減少平均虧損，拉開兩者差距。而平均盈利和平均虧損中的差距應聯合項目三的勝率作分析。
2.基於我們的目的要做到贏錢多輸錢少，我們亦可計算一下賺蝕金額比（獲利總額/虧損總額），如果此比數值較低，那麼便要檢視一下交易策略的可行性，是否風險回報不成比例。
3.勝率（獲利次數/交易次數），此數值當然越高越好，可是我們亦要因應自己所做的策略作出綜合分析，舉一極端例子，例如交易策略是以博黑天鵝為主，然後食一次大浪，那麼勝率自然奇低，可是項目一中的平均盈利和虧損則應有着明顯差距，否則長期下去可能做成輸多贏少。
4.最大連續虧損及最大單次虧損，此可為自己提供資金管理的數值，為自己做好最壞打算。
5.費用比例，如果佣金過高，必會影響總回報。最後從紀錄中回憶一下買入賣出原因，配合以上種種更可了解自己獲利或者虧損原因，好讓自己從中反思。

灝昇
https://www.facebook.com/speculatorjunior

http://hk.apple.nextmedia.com/financeestate/art/20150927/19311251

9月19日 雕蟲小技之自動化拎股價資料第一步！

找數先！開首之先，如果大家想睇最新的資訊，可以係Facebook搵“八十後投機客"follow埋作佢。

有d朋友的等自動化教學等到頸都長埋，叫我先share之後先後數俾 like，甘我都唔係一個拖數嘅人，所以希望我出雞你地出豉油，希望你地唔好拖我數啦，唔講甘多，大家去片。

9月12日 雕蟲小技之數據分析第一步

呢期市況已經趺到一個十分低殘的點, 但係市場情緒依然好恐慌, 所以做成市況十分波動, 而很多技術指標皆有滯後性, 所以筆者同一班朋友最近主要用event study 的方法找出過往市場走向極端時的情況, 再從中找出規律, 因為我地都相信千變萬變，人心不變, 因此以計量和統計工具分析市場心理很有參考價值。

很多人心中便會有個疑問, 甘要點開始做?

首先, 你要有一套數據庫, 再加以自己制定的條件做出過濾。如是者大家下一條問題便會問是否需要付費軟件, 或是Bloomberg/Reuters等專業級系統才能做到一套數據庫, 但在而家大數據時代, 原來我地可以好簡單甘搵到同儲到一套自己的數據庫, 睇左甘多肺話, 終於入正題, 麻煩大家睇落去。

大家要多謝一個叫yahXX的網站為我地帶來甘多方便, 由於唔知開唔開得名, 講到甘大家應該估到, 唔得ge 可以pm 我。係佢個財經版入面, 有個位俾你query 股價 (圖1), 我地用HSI做例子, 打入^HSI (圖2), 指數全部要加^先出到, 其他股票編號就甘打數字就得。

之後你會見到左面有[過往股價及派息] (圖3), 之後佢會預設時期為該指數/股份最初數據起始日至今天 (圖4), 最後只要拉到最低, 就會見到有[下載到試算表](圖5), 按下即可下載。

下載後, 你會見到該檔案為table.csv, 是一個csv 檔案, 你要再多做少少動作令數據準確和可以修改, 先打開檔案(圖6), 之後把G行的"Adj Close" 取代E行的"Close", 接下來可以del 原本的G行, 再插入公式計出當日股價的變動(圖7)。 之後在row 1 選擇filter(圖8), 過濾出變動(Change)為0, 成交量(Volume)亦為0的數據並delete 之(圖9)。因為yahXX數據亦有不足, 有時假日會無啦啦多左數據, 所以要把他們刪掉。

當你睇到呢度都仲有興趣, 恭喜你, 你已經踏入計量分析領域的第一步, 你已經開始建立緊你嘅數據庫, 但係唔通下下都人手甘下載, 仲要下載甘多隻股票? 真係人都癲, 而呢樣野, 其實Excel 幫到你, 但都係個句作為一個網上股佬blogger, 都係想盡自己最大努力deliver自己嘅睇法同經驗架，岩用嘅真係俾個like 支持下同埋share下, 所以希望有返個page like 數2 成嘅like, 即係500個like, 再講下點樣係excel set 到可以自動化下載數據令自己個資料庫齊全D, 之後D數據任你舞! 靠你地like 同share 啦!

找出你的優勢

班傑明．富蘭克林（Benjamin Franklin）曾經有句名言：「若不作出計劃，便是作出失敗的計劃。（If you fail to plan, you're planning to fail.）」而作為一名市場參與者，一個合適的遊戲計劃（Game Plan）是成功贏出市場交易這個負和遊戲的第一步，若然沒有計劃，最終只會被市場帶着走，變成負和遊戲輸家，為市場上的贏家找數。
要建立一套成功的Game Plan，首先，你要有一套有優勢的交易策略，所以筆者成日強調要有「優勢」先好入市，優勢顧名思義即是能令你贏的可能性提高，最終獲得正期望值，有追開本欄的朋友都應該記得無一個策略是可以令你100%贏錢，只要能令勝算稍稍提高，再配合資金管理和可持續性運行，長久下去才能在股市贏錢，而非爭一日之長短。
「優勢」的本質是找出市場的非隨機波動的時間，假定群體大部份時間會以理性考慮在各種情況下的利益與損失，然後作出買賣，那麼市場會以有效市場方式運行，而且隨機進行波動，可是因為市場是由人的心態引起的買賣所組成，有某些時間，人性使得市場過分反映情感因素，而使價格偏離合理水平，此時smart money便會權衡當中風險與利益（即值博率）後作出最好的舉措，令到買方和賣方力量的均衡出現不平衡，做成有目的、有意識、非隨機的波動，以致一方出現優勢。
要找出有優勢的策略，其中一個方法是做歷史數據分析，就好像筆者上篇文章，針對以往國指九連跌後的走勢對比現今狀況便是一例，而一些傳統技術指標亦是歷史數據分析的產物，例如傳統中RSI超越70是超買訊號，便是指當RSI超越70後有較大機會回落，而機會率有多大則每個市場每隻股票皆有所不同，就如某些新興市場的深度較淺，比起美國等成熟市場更易出現RSI出現高過70的情況，那麼傳統上的RSI70的指標便不是一個有優勢的指標，所以數據分析需要對個別市場和股份作出分析。
另一方法則是交學費，然後從錯誤中學習技巧，這亦是做買賣記錄的重要之處，因為從自己執行的買賣之中，我們可以找出錯誤和失敗的交易，並了解到自己的心態和市場或某一股票運作的模式。一些失敗的交易可能是源於黑天鵝、心理因素、沒有確切執行計劃、沒有良好資金管理等等多種因素，這些因素都十分個人，只有做自己的交易分析才能發現。更好的便是在做數據分析後找尋出自己的交易規則，之後再不斷審視自己的交易紀錄，作出心理和資金層面上的最佳化，把技巧和數據結合。

灝昇

http://hk.apple.nextmedia.com/financeestate/art/20150913/19293137

琴日甘急彈，一下抽上十天線，到底見底未我唔知，不過好似唔夠恐慌，但係既然甘強都唔應該反勢而行，唔call 都唔好死熊一面頸，博反彈又好，繼續渣put都好，set 好止賺止蝕最重要。 自己D put 琴日琴日一個下晝中哂止賺止蝕，新加的蝕住走，上星期hold 到琴日的都無咩肉食，暫時見好友幾有力。如果想博反彈，當然搵D帶異動ge股黎追，甘岩自己個data base琴日見到2318 期權call 大有動作，多左4000張，多數係＄40,所以會望多２眼。

即日市況

琴日甘急彈，一下抽上十天線，到底見底未我唔知，不過好似唔夠恐慌，但係既然甘強都唔應該反勢而行，唔call 都唔好死熊一面頸，博反彈又好，繼續渣put都好，set 好止賺止蝕最重要。
自己D put 琴日琴日一個下晝中哂止賺止蝕，新加的蝕住走，上星期hold 到琴日的都無咩肉食，暫時見好友幾有力。如果想博反彈，當然搵D帶異動ge股黎追，甘岩自己個data base琴日見到2318 期權call 大有動作，多左4000張，多數係＄40,所以會望多２眼。

即日市況

唔知大家記唔記得, 係8月26日我搵叮噹出過個post, 話就黎有反彈, 但見到反彈唔好甘開心住, 覺得自己同大家都要停一停諗一諗, 要小心D, 唔好一見升就衝入去gogogo, 事關值博率低, 歷史上次次9連跌後反彈都無好野! 結果8月27日就黎左個反彈, 如果當日食住花生無衝入去的朋友應該好開心, 而更加勁的朋友可能put 埋食唔少, 事關5個交易日後, 國指的performance 直逼歷史上9連跌後最差個幾次, 跌左足足7%, 嘔突當日反彈升幅仲破埋低!
「 曾在這高高低低彎彎曲曲中跌倒～～」最近個市日日高開之後玩陰跌, 實在人都癫, 事源望住張日線圖, 日日一出陽燭個下好似就彈就彈甘, put 倉又唔敢加, call 倉仲死, 日日朝早升唔夠一陣轉頭蟹哂, 如果唔知市場個主旋律真係會俾佢玩死!
要搵主旋律我地一齊望遠少少, 唔好睇日線圖, 睇返週線圖, 計落RSI(14) 已經去到22.1 左右(直至2015年9月4日), 好似好低好低並。但又係個句, 去到甘低, 唔一定要反彈, 超賣可以再超賣, 仲要係週線圖, 可以發生好多野, 只要個個星期其中一日玩野之後抽反高都可以夾得你好甘(下面會再講), 所以解讀佢的方法就唔係單單RSI 話RSI 30樓下就要買甘簡單, 而係比較一下過往出現相似情緒之下, 市場上會點反應, 之後再搵係邊個位做D 咩會係最少傷害同最安心, 或者甘講, 唔好講話賺唔賺到錢, 而少可以避開致命傷。
所以搵返週線RSI(14) 低過25的數據出黎會見到HSI歷史上只出現過4次(分左4隻顏色), 個人認為17/11/2008-21/11/2008 可以排除, 因為該星期為24/10/2008後見底的一個後抽, 而非一個持續性趺浪, 所以先將佢排除。減去後, 出現的RSI(14)低於25的情況(包括今次)只有3次, 之前2次趺浪RSI 係25樓下都會維持3星期左右, 每次見底RSI(14) 更最低去到18左右。 雖然而家RSI(14)已經22, 離18好似好近, 但係先唔好講theory, 睇返之前2次RSI(14)由2X去左1X 係可以跌多足足一成幾兩成, 甘快去撈低係可以挨十幾甘個巴仙! 事關RSI 有個特性係當佢已經去到好低個時, 再插到好恐慌, 佢都唔會趺得好急, 所以去到呢D位, 如果大家太早入去撈底就真係危D 啦。而仲有一樣野好危險，就係週線比日線有滯後性，淨睇週線見到好似見底就痾煙係好危險，睇返24/10/2008個個星期，RSI最低係18.27，當時指數收12,618，但睇埋之後5日發展，原來最低仲去過10,676! 足足跌多2,000點，如果你撈底無兩手準備點得？所以睇週線，最好參考埋見有signal個週前前後後的日線圖變化。睇埋日線，可以見到一日未恐慌, 講黎週RSI(14)係20樓下再加大跌超過4%，跌得越多，反而越似見底，如果而家甘死下死下都好難話有值博率，而呢個故仔都配合通常見底係大成交加急跌，因為supply side 已經派到7788, 最後只係將手上籌碼洗清同透過恐慌時大成交下的市場深度做個破冰轉身。所以好倉忍一忍手花生下同個市斗耐性可能仲好，或者甘講，無一個可以坐少D，輸少D的入場位時，不如唔好博，情願MISS左頭個下，都唔好俾雞會個市夾你幾千點。
而有put 的朋友最好都係輕倉為上, 因為睇返跌市中的日線資料, 在大跌之前波幅往往增加而且絕非一面倒只跌不升, 所以做淡的朋友都要保持健康倉位, 否則一下大彈夾3、4%，可能已經震走左，甘之後跌幾多千點都唔關你事！另一方面，睇住週線RSI黎分段食糊, 再用盈利做一注半注預可以輸的淡倉(最好用期權啦), 務求食到最後一下恐慌大浪, 但切忌唔好貪!
P.S. 由於RSI 計算個起點個位同個smoothing factor 可以大家都唔同, 所以大家見到同asstock 個數或者自己計個數唔同唔駛覺得奇, 而我自己計的每個indicator 都未同aastock 一樣過...

P.S.S. 都係個句，呢次係想叫大家少心D，睇到一D好extreme的市況出現先好出手，最緊要唔好輸得多！