九連跌之後點算好？

近日港股出現咗好耐無見的恐慌情緒，H指更出現了十分罕見的九連跌，在1995年至今，即使計及今次亦只出現了七次連跌九日或以上的情況，雖然每次引發跌市的原因和其後政府有否出手干預都會影響跌市結果，但在極端恐慌之下，市場短期內多數由情緒主導，使市場變得十分波動甚至脫離合理價值，要使市場重拾信心回復平靜，情況就像要哄一個受驚的小孩，需要又抱又糖又鬼臉多管齊下。


借古鑑今，參考一下以往出現相似變動時，市場的波動和背後的情緒變化，雖說樣本數量較少，要總結出一套買賣策略有點難度，但不論能否獲利，亦不失為一套趨吉避凶的良策。
以往出現連跌九日或以上的總跌幅介乎6.7%至17.5%，而今次亦已達到14.9%，在九連跌中算是跌得比較深的一次。若計及其他非九連跌的日子，九連跌的日子相對跌幅最多只有17.5%又不是很深，最深的為1998年1月12日，連跌七天共下跌38.74%，而其他連跌四至七天的日子亦不時有跌幅超過20%的日子出現。
正正因為連跌九日跌幅不深，但日子卻長，相對之下恐慌情緒亦沒有急跌時的極端不理智行為出現（如本年7月8日，一天急跌2,300點，當時比是次急跌應該有更多斬倉盤/恐慌盤出現，所以成交亦比今次跌市更多），反而不斷引入新購買力入市博見底，在見底之前購買力已經消耗，而沽出者亦更有部署，令到沽出的價格更高，所以出現九連跌後出現V彈的機會相對的少，只有1995年1月17日一次。
由於買方購買力的損耗，往往在反彈後，市場上的恐慌情緒會重新主導令沽壓重現，當中甚至可能包括在跌浪中太早買貨但見到反彈先行解套或獲利的人，所以從歷史數據中見到，在反彈日之後五天，表現略差，即使升市亦只是比反彈日微升0.5%至1.5%，但若沽壓重現，更會再試低位，甚至跌穿連跌時的底部，跌幅可達7%至8%。所以小心駛得萬年船，如果一見回升就入市博反彈的朋友切記小心，要做好注碼控制，否則好像以往幾次一樣，短期內重現沽壓，就會進退失據，如果忍到手的朋友就更加唔好博反彈。
相反，從數據中看來，遲人一步反而會理想達到，比起一見到反彈日出現便進場，在反彈後10至15個交易日入市反而比較安全，至少可以避開再試低位的可能性，另一方面波幅亦漸漸收細，不用每天食驚風散。

灝昇
https://www.facebook.com/speculatorjunior

http://hk.apple.nextmedia.com/financeestate/art/20150830/19274943

8月29日 雕蟲小技之數據分析小心D

雕蟲小技之數據分析小心D

福爾摩斯成日都係我耳邊同我講:“you see but you do not observe.”所以我成日都好記住呢句，搞到我成日都唔信人地講/寫出黎嘅野，永遠都係停一停諗一諗先，今次一見到某財經雜誌單純甘用恆指過去廿年的高低位波幅拉個average 出黎，之後話平均波幅係得6,490，就順手話今年低位22098，人生係咪甘簡單呢?

首先，第一樣要諗嘅係1995個時恆指幾多點，個時開市只係8,190點，而當年波幅係3,183點，真係可以就甘拉average? 當然唔係啦，個時3,183點的波幅已經係而家9,210點的波幅，如果就甘計，個平均值係會under estimate 左好多，所以第一步做的事係應該將D點數轉返做百分比先計，如果唔係同俾人呃左去買點數卡係無分別。略略一計，平均值係41.71%，轉返去點數係9,885點，如果假設今年高位已見，今年低位會係18,703左右，係咪好驚先?又唔好甘驚住，睇埋落去先啦。

有無諗過用平均值去估平均波幅合唔合理？就甘聽落好似ok,但用統計角度諗就有d奇怪。如果單用mean 去估，個前提係假設左波幅係會跟一個叫normal distribution 去行，甘個mean 就會係最常發生嘅事，而更好的估波幅方法當然係用Mean(平均值)加上standard deviation(標準差)去判斷波幅行完未，即係假設恆指一年波幅係10%，S.D. 係5%，甘如果今年已經做左25%波幅，甘即係已經超越平均3個標準差，甘應該有99.7%行完個波幅。但係係今次個case, 你地覺得如果個mean 係41.71%, 全年波幅係0%的機會大D定83.42%機會大D? 相信無人會覺得恆指全年波幅可以係0%, 甘所以今次波幅係唔跟normal distribution, 而係skewed左(傾斜, 我覺得用歪左好D)，係甘嘅情況之下，用mean 去估，就會overstate 左個數，因為係skewed 的distribution 入面，Mean(平均數)>median(最中間個個)>mode(最多發生個個)，所以用mode/median 去睇會比較好, 再去比較返佢不同的percentile會比較好。今次個median 係36.17%, 計返點數, 即係8,572點, 如果假設今年高位已見，今年低位會係20,015左右, 如果睇埋75th percentile, 要有成52.62%波幅, 即係12,470點波幅, 縱觀過去, 大多只有股災年先有呢種情況, 甘我又未去到甘悲觀, 到穿左20,000點先算啦。

P.S. 始終廿年年度數據唔係一個好大的population, 所以可以出現好多偏差

製造財富永動機

曾經讀《窮爸爸富爸爸》的時候讀到現金流比單次獲利更重要，因為現金流是有可持續性，如果獲利只是單次性而不能持續，終有一日坐食山崩。其實這個概念借用於投機、投資甚至賭博的策略上亦然。以輪盤為例，輪盤上有0到36共37個數字，所以一注選中正確數字的真實賠率為三十七分一，但選中正確數字的賠率則只有1賠35，少於真正的賠率，形成真實賠率和賭場賠率之間有着百分之二點七的少少莊家優勢。如果只要擁有莊家優勢便不顧及可持續性，賭王大可以用他全副身家做莊和世上最有錢的幾個人賭一把輪盤，然後winner takes all，便可快速致富，可是賭王選擇的不是一鋪定勝負，而是開立賭場，一步步致富，何故？
話說當年一個叫愛德華．索普的數學家對賭場概率好有興趣，於是不斷研究如何獲得賭場優勢令自己勝算高於百分之五十，結果呢位數學家出咗篇論文叫《A Favorable Strategy for Twenty-One》（廿一點優勢），更誇口可以贏到賭場，但他則遇到一個難題，就是即使有了優勢，可是口袋的錢可能捱不到贏錢，一旦窮神搵上身，連續幾次錯邊，已經可以輸到一窮二白。因為無論賭錢好，投資或是投機都好，只要汲及機率，當中的假定是建基於大數定理，即是當隨機事件不斷重複發生，最終結果的數值會回歸期望值。再好的優勢都需要透過大數定理去令優勢長遠上顯示出其正期望值。
愛德華很幸運遇到一名叫凱利的科學家，為他提供一個可以最大化資金分配的分式，使他可以長遠的賭下去，最終獲得優勢，據說愛德華在賭場上大殺四方，賺了數百萬美元。而上面賭王決定開賭場而非盡地一鋪，便是運用賭場的莊家優勢，搭上大數定論，令到自己做到長賭必勝。莫講話輪盤莊有百分之四十多機會輸錢，即使有百分之九十九的勝算，如果吓吓賭身家，上得山多終遇虎，只要個百分之一不理想的結果出現就大件事，無論你之前贏幾多次，一次錯邊已經清袋。
換轉在投資或是投機策略上，再好的策略都不能提供百分之百的準確性，特別在期貨、孖展呢類汲及槓桿的工具時，更要着重良好的資金管理。所以建構自己的買賣策略之時，資金的可持續性必然是一個重要的考量，毋須急於一鋪定勝負，令自己處於一個如此高風險的位置，只要找到優勢，有持續資金營運這個永動機，便可借時間反映優勢，賺到盈利。

灝昇
https://www.facebook.com/speculatorjunior

http://hk.apple.nextmedia.com/financeestate/art/20150816/19257235

8月15日 雕蟲小技之技術分析Vs 基本分析 1

長久以來都有人爭論技術分析和基本分析熟優熟劣，有些人更會覺得有你無我，有我無你，將兩者放於對等立場，可是這種說法公平嗎?

首先作為一個市場參與者，你要先為自己所做的每一單trade 下定位，要知道自己本身入市的目標、原因和時期長短，然後再決定用何種分析方法去決定出入市位(即使一個操作中亦可以用基本因素入市，而技術因素出市，很多時候基本面轉差是有滯後性，如賭股，零售股皆先行於賭業/零售數據)。

若你用基本分析找出值得投資的公司，當股價低於內在價值的時候，假設一隻股票內在價值是$10，當股價下跌到$9、$8、$6、$4都是低於內在價值，單靠基本分析又如何知道何時是值得買入的時機呢?往往出現股價低於內在價值的時候是股災或是恐慌階段，the market can stay irrational longer than you can stay solvent，完全忽視市場情緒對於資金和注碼都有限的散戶看似有點魯莽。

相反，如果從技術分析作技機短炒，不幸市場/公司出現基本因素的突變，如管理層貪污、經濟/公司環境急速惡化，或者某類股票純粹因為一些短期催化劑而令股價有炒作概念(如傳出賣殼、重組、注資等)，當消息面淡化，可能原本技術分析的指標還未作出改變，如果留意市場改變嚴守止蝕，可能令技術分析原先帶來的edge 付諸一炬。

如果你用基本因素去博短線，或者因為技術因素去all in 一隻股票，甘你已經犯左一D 好嚴重的錯誤。要懂得運用兩者自身的好處才是皇道。

8月15日 雕蟲小技之技術分析有感

本周的雕蟲小技唔講技術分析101住，反而想講下最近自己的心路歷程，因為自己最近都犯左一個錯誤，令到自己處於一個危險的位置，既然都錯左，甘就令錯誤變得有價值，錯唔緊要，最緊要識得自省。
本身對最近市場的諗法係睇穿23400呢個位就要去做淡，因為呢個位係7月8日收市加7月9日開市價，基本上呢個位一失，會引發一陣沽貨潮，理應順勢沽貨，而呢個位係8月19日已穿，但係有一樣野令自己卻步，就係穿個日恆指14天rsi 已經去到26（aastock 數，因為如果大家用yahoo data加excel拍formula個數係唔同）左右。而根據自己對恆指做落的backtest，過去每次恆指RSI跌穿25，都係一個幾好的買入時機，而且短期內回報都唔錯，有興趣可以做下backtest計計數，所以自己當堂窒一窒，結果睇住由23100急插接近一千點，如果只係miss 左個跌浪還好，但係由rsi跌穿25開始，自己便開始用期指建好倉，結果當然係俾人夾啦，去到星期五最低位，俾人夾足500點，亦正正因為相信rsi而錯失左止蝕時機，呢度就犯左以下幾個錯誤：
1. 當見到2種指標有矛盾時，唔應該偏信一方，情願食花生算。
2. 博反彈，唔係唔得，唔應該甘重手用期指，不過最好唔好，雖然rsi 係幾好的領先指標，不過唔應該接刀。
3. 用錯工具，唔應該用期指，因為呢個方法講緊要坐，同守，timming 如果捉唔靚，期指可以好傷同未必守到。
所以下次會modify 下，前提係睇市況無衝突（講多少少，上次7 月8 日其實都有用過呢招，好彩係上次成功左仲食到個反彈，而上次無甘多個頂，同去到14年尾個支持，博反彈唔會同本身睇法有衝突，今次唔同，因為穿23400自己睇淡，所以有衝突，唔應該action），而用呢個rsi 博時其實可以等個市去到大成交加rsi 開始向上時先追，如果係跌個時去接，最多最多只可以用正股（2800）／long 期權，total loss 就算當止蝕，唔可以用期指用埋要控制好雞注先得。而最後，因為自己一開始係用rsi 做入市原因，無論下星期個市點走，呢條trade都應該會用返該指標做離場指標。

8月9日 - 雕蟲小技

個市甘悶做咩好?平時睇順風順水都聽蘇師傅講起，一個人通常無甘好運個時就不如去讀下書進修下自己，而呢排個市甘少成交，又咩新聞都無個時，無論個市定炒家都真係好運極有限，所以自己前2星期都吉倉拎左一堆One Piece....呀...唔係, 係一堆書走左去旅行，充充電又充實下自己(偽)。

之後Hea hea 下發覺自己平時諗埋諗埋好多idea無寫低就好快唔記得左，之後前排聽費高 - 股海One Piece講佢為左練習自己文筆所落嘅工夫實在令小弟配服，所以都決心要逼下自己唔好太free style，所以希望逢每個星期六出返篇<雕蟲小技>，講下自己對D技術分析嘅睇法，當記錄一下自己嘅諗法同時趁而家甘悶希望呃下大家D 時間睇下(市好個時大家掛住炒，相信無人理我XD)，若然大家覺得文筆拙劣，內容膚淺，還望多多包涵。

講起最近市況，經歷左五悶六磨七反艇之後，由七月尾到八月頭基本上都係無方向，如果技術分析派用返之前四五六月炒開方法入市，或者用七月put 的方法去玩都係會捉蟲，左一巴加一巴。

事實上在運用技術分析之前，要先分辨現在市況屬於趨勢市還是波幅市。若果現在市況是處於上落格局，那麼運用一些滯後指標如moving average等便會錯失入市時機之餘更會中伏接火棒。相反，在趨勢市中，太過倚賴一些區間性的非滯後指標(我認為只是非滯後而不是領先，因為指標若是以價格計算，不能領先格價，即使用統計方式計算出較大機率轉向的指標亦只是令值搏率提高，不能算領先)如RSI，STC等，則會錯過大勢，太早下車。

隨文附送2張圖，一張港股，一張美股，用滯後指標moving average黎睇，會好明顯睇到邊個先係趨勢市，邊個玩左好耐波波池，而用埋STC黎睇，又係好易睇好美股個STC好多時根本去唔到30就轉左頭，隨非你好短好短甘炒，睇埋日線同小時圖，唔係落錯車隨時上唔返車，所以先決定左而家係趨勢市定波波池先，唔係做錯決定一個追到你氣咳，一個坐到你發霉都仲係個個位。

跌市啟示錄

最近從好友口中得知《武林群俠傳》將會推出第二集，自己曾經都是單機RPG遊戲的頭號粉絲，所以一聽到這個消息，都很想重溫一下這個遊戲。以前玩RPG時常常覺得打怪升級最好的是，即使輸了亦有經驗值，否則很多情況之下應該不能通關，而人大了便覺得每次在人生中打了敗仗，遇到挫折其實應該比成功更該獲得更多經驗值。
最近的一個大跌浪對不少人來說，更是寶貴的一課，無論在是次跌市中是贏是輸，重要的是跌市給予我們甚麼啟示，讓我們在未來做更好的決定。
在股市中有句老掉牙的說話：「潮退便知誰在裸泳」，往往跌市便是我們分辨強弱的好時機。在上次大跌之後，恒生指數跌穿250日線，若然比較一下各板塊的股份相對於恒指的跌幅，便會發現高下立見，如石油、煤炭、資源板塊等比恒指更先跌穿250日線，即使及後反彈，亦不能跟隨市況升幅企穩250日線樓上，足見此等板塊是人們急於沽貨的對象，而當要買平貨時則不是吸引人們眼睛的股份。
相反，一些本地銀行、保險等板塊如中銀（2388）、友邦（1299），即使大市恐慌急跌低至250日線樓下10%，但依然能力保不失，企硬250日線樓上，兩者更於跌市後幾天便完全收復失地，足見其持貨者善價而沽，亦證明市場上想掃平貨的人覺得這類股份即使有少少折扣已經十分吸引，在市況穩定後便不斷加倉。
只要用這套邏輯套於自己手上持股中，便可確定該股是強於或是弱於大市，而一些強於大市的股份更應列於留意名單中，待下次機會到來便考慮買入，而一些弱於大市而又不幸持有的更應嚴守止蝕，於市況穩定後考慮換馬，轉入一些較為強勢的股份。股市始終是一個跟紅頂白的地方，往往強者越強，弱者越弱，既然市場已經為你分辨出何者是濫竽充數之時，我們便可借此機會整頓一下自己組合。

灝昇
https://www.facebook.com/speculatorjunior

http://hk.apple.nextmedia.com/financeestate/art/20150802/19239767