今朝被fake 了

踏入左嘗試全職投機的第2 個月，其實好多野仲係摸索階段最難的都唔係build up 一個岩自己的trading method 或者decision tree，最難O既反而會係心態。面對手停口停的壓力，cash flow 的壓力，係自由情況下要做到好好self control的心態，同埋點樣係唔比情緒影響下做到個最好的decision (係最好，但唔一定係最岩)係我而家最要train 到O既一樣野。特別係而家呢個起步階段，每1 分每1 毫對自己黎講都係好大O既戰鬥力絕對唔可以有任何損傷，所以同反緊工個時唔同，你永遠唔會知下一個月有幾多cash 可以flow in而expense 就一定走唔甩，所以保本為上，保存現有作戰能力先係首要條件。

基於呢一個原則，我自己對操盤的方法都唔同左好多，但亦令自己錯失左唔少機會。就好似今朝甘。由於上星期未開始睇淡，自己hold 左D 期指淡倉過夜，開倉位約於23200左右，一開市見佢AO 幾對路，做緊23087，而由於星期5 美國係升緊，而港股一開趺100相對之弱，如果開市未做趺應該可以hold 多陣張淡倉，但係點知趺100 點呢樣野只出現左1分鐘都無期指就收覆哂失地。本住唔可以蝕O既原則，我係23170就平哂D 淡倉睇下發生咩事先。過左無幾耐期指越升越有仲要升左百幾點，以而家甘少波幅黎睇，期指有200-300 點波幅已經好叻仔，係呢個時候睇淡的我已經想去put 反一張，但係對住越升越有O既期指始終無個勇氣去禁制，心諗俾佢夾一夾佢上多200 點先落我咪大獲，於是又等多左幾分鍾，個期指又升左上234XX，個時唔好話put，我覺得自己直頭係股神!心諗拿，都話會夾嫁啦，個勢甘強，而將自己睇緊淡O既諗法呀，細波幅O既諗法完全忘記。結果，去到10 點個市都回左百幾二百點先冷靜少少甘睇，可惜又係因為"安全"呢2個字我一路未敢開PUT，如果係以前反緊工有足夠$去守時，我應該會開左一張"頭寸"(position)先 (O既然係細波幅市上做左300幾點波幅向上而市況向下，係23400個位開一張小倉先係最好O既決定，但係以唔好傷到本錢黎計咩都唔做係最岩O既決定，特別係自己心情已經被影響左)，最後係開始見到941,5號等已經破左佢個平台，而期指又夾實左今朝批人之時我終於係23124 開反張put，同時入左D 5同941 七月O既 put option(大約總倉位1/4左右)，而且預留3/4資金準備係大波幅下趺後一天反彈時再加。

係悶市O既時候緊係要去IFC飲杯咖啡

呢幾日個市悶到傻左，而最多人關注GE 除左世界杯仲有咖啡，講到咖啡識得飲O既一定係去IFC慢慢嘆。可惜我呢D 平民無甘O既福份係IFC嘆咖啡，見個市都無咩好做連競價都廢事睇，走落去茶記嘆返杯平民經典絲襪奶茶再加個沙爹牛肉面等開市。

一開市見到廿大升幅個個有氣無力甘一堆都係升得個幾%，心諗又無股好炒啦，唔緊要，仲有option 呀麻，睇下個市D 波幅點先!一開VHSI(恆生波幅指數-除左被稱為恐慌指數睇D 人用幾大VOL去買D Derivative 黎對沖之外仲可以轉做standard deviation 黎睇恆指個波幅range, 詳情:Here) 黎睇，搞咩鬼呀，12.69駛唔駛破哂底，前2日仲要做左VHSI 有史以黎最低價!印象中呢十幾年好似無邊幾個月恆指波幅係會少過4%，而今個月到今日為止先得個440點波幅，即係2%唔到，唔對路。見荼記除左隔黎有個師奶樓神係度同另一個師奶講緊千萬唔好買大澳居屋有趣D 之外都無咩其他作為，拿拿聲反去做下research 先!

其實睇反恆指月波幅原，自2000 年黎真係得5 個月(唔計今個月)係少過4%波幅(以高點減低點計)，而多數係會介於6-8%。可以睇下以下2幅graph:

除左04，05悶市之外其實已經好耐無見過3%左右，對上一次係2013年10 月，當月波幅都有3.89%接近4%，所以點睇今個月之後個一個星期應該會幾大波幅同幾個人睇落偏淡(不過我而家呢個位prefer 等)，事關以本月大概有3.5%波幅計本月會有820點左右波幅，我當佢而家做左月高(23397.77)，佢要做落就要到22577(23397.77-820)，如果我當佢做左月底(22950.67)，佢就要做上到23770(22950.67+820)，而執筆時個位係23200岩岩又係正中間，如果做上就有500點水位，做落就有600點水位，本身都仲50:50，但係睇落牛熊比例，本身散戶就睇淡多，但唔知點解今日D 熊仔又撤退哂，而牛仔就非常堅持，睇落22900 O既誘因大左，甘O既然落得去22900打牛唔差在打落去22500順手震走埋D 持貨者再等下個月升過。無論睇好睇淡，家下呢個位明知佢係中間就無謂賭大細，離場等佢出左方向先跟下風可能更有意外收獲，而家都係離下場睇下熊貓飲下咖啡算啦。

寫在A 股轉強時-買入867

上星期個市本來係悶局一場，但無啦啦星期五個時A 股抽左上黎推左個市升百幾點收，而期指都終於做左好耐都見唔到O既300 點波幅。而當天早上友人問有咩板塊可以留意，撇除指數成份股，其實都有唔少板塊係有動作，主題當然離唔開A 股。

首先領先大市偷偷地升左上去O既就係A+H O既板塊，42,300, 895, 1057,1108之類(共通點係H股折讓A股5成以上)係唔覺唔覺而財演又無通知大家之下升左唔少，而家追黎無咩肉食，可以不理，當然如果AH 互通以中國人O既賭性計，呢D 股仔比起內銀內險一定更加吸引到A股客的目光，但係而家呢個moment 安全為上，有其他可以賺的地方暫時放佢地落床下底。如果真係想炒AH concept，反而內地卷商隻隻都有D 勢，6837比較好。

另一資金偷步的板塊為藥業股，除以下3隻其實其他醫藥股都有唔少money flow in緊(唔包醫院股)，佢地沉寂左一陣做左個平台仔收貨，平均線亦開始meet up 反，代表長中短線的買家成本相近，對短線投機者黎講相對著數，可能好快就會有破頂動作。而係甘多隻藥股之中，2877,867同3933 相對調整較少，持貨者較有恆心和實力而且股價係3月壞消息後亦無偏離烈口，反而chok 左幾chok 之後反反上去無見到低位，反映此股持貨者相對實力較強。

將會買入867 @ 9.58
目標: 10.48 (52周高，如破頂再推高)
止蝕: 9.2

投資 Vs 投機

什麼叫做投資？而什麼叫做投機？很多人未必會去深究兩者的分別，於是市場上很多投機的人一但看錯方向非但不止蝕更把自己的蟹貨冠以「長線投資」之名，一於跟別人說有買貴無睇錯，而另一邊箱亦有所謂「投資者」憧景一些無實質業務的公司，信奉Number降，"投資"入去一些6x6，9x5，2x9等千年妖股，仲要話係短線投資！
例:
「投資初哥」: 短線投資睇幾短呀？
「(偽)投資者」: 唔....一星期左右掛...
「投資初哥」: 甘短...人地索羅斯同香港政府對撼期指都要十四日啦....甘你想要幾多回報？
「(偽)投資者」:唔...佢配完股啦，之後又貨源歸邊，仲要有機會注資呀，睇一個開啦！
「投資初哥」: 哦...咩投資係睇個市場有幾多貨嫁咩...咩唔係睇公司前景同對你portfolio現金的影響嫁咩？你個D 唔係叫投機咩？
「(偽)投資者」:車...投資O既野，你識__咩！

係好多人眼中「投機」一詞極為負面，而「投資」一詞側理所當然，於是大家都避開說投機，結果做成口裏說投資，身體卻很誠實的事件比比皆是。我地先睇下兩個字的意思其實點解。

轉至http://www.investopedia.com/
Definition of 'Investment'

An asset or item that is purchased with the hope that it will generate income or appreciate in the future. In an economic sense, an investment is the purchase of goods that are not consumed today but are used in the future to create wealth. In finance, an investment is a monetary asset purchased with the idea that the asset will provide income in the future or appreciate and be sold at a higher price.
Definition of 'Speculation'



The act of trading in an asset, or conducting a financial transaction, that has a significant risk of losing most or all of the initial outlay, in expectation of a substantial gain. With speculation, the risk of loss is more than offset by the possibility of a huge gain; otherwise, there would be very little motivation to speculate. While it is often confused with gambling, the key difference is that speculation is generally tantamount to taking a calculated risk and is not dependent on pure chance, whereas gambling depends on totally random outcomes or chance.

簡單D 黎講，investment 即係你會對你invest 的野的將來有expectation，而佢亦會feedback 到D 野俾你，而speculation 即係我唔期望有咩將來，所有野只係一場交易，岩價就會買賣。就好似爰情甘投資就係搵個一生的伴侶，你希望搵到個人會同你分享你的喜與悲，而佢會俾到一個家你甘(generate income or appreciate in the future)，而投機就好似去club 搵partner 甘，得左O既可以開心一陣，唔得O既，當俾人呃酒飲甘 (the risk of loss is more than offset by the possibility of a huge gain) (註:筆者雖然係一個投機者，不過係感情上絕對係一名價值投資者(笑))
講到尾兩者都係會去追求個asset 的升值，只不過佢地O既著眼點唔同。投資者希望資產可以提供到未來的收入或升值，而且係要可以預計到O既，更深入的當然要睇埋cash flow，但在此不贅。投機者一樣希望資產可以提供升值，仲要係升得好有狠勁(Huge gain)同埋唔會期待佢俾到幾多將來你，因為你呢一秘hold 住佢，可能下一秒就已經無左。而令投機者去做買賣的是佢地會calculate 左個risk 然後係自己可承受範圍去take 呢個risk，所以佢地做緊的行為正正就係推測，觀察。
係google translate入面speculate 的意思唔係投機，而係推測，而係拉丁文入面，呢個字就係"看"的意思。

Sherlock Homles 成日講一句: You see but you don't observe.
要做一個投機客就要懂得看，不是單純的看，而係要觀察和了解之後作出推測和計算，目標就要做到見微知著，一葉知秋，聲聲入耳，事事關心！

緣起

作為一個係社會上初出矛廬的八十後，自問無任何驚天緯地之才，面對社會上千千萬萬比自己叻的人，不敢奢望成為人中龍鳳，只希望有一天不用為金錢擔憂，為五斗米折腰。

自己作為一個平凡的八十後唔係含住金鑰匙出世，沒有從天而降的龐大資本，返一份收入貼近香港月薪中位數的工作，財務自由之路好似仲離我好遠甘。但係千里之行始於足下，索羅斯，巴菲特都唔係一夜致富，老套D 講返半杯水的理論，諗下自己有D 咩總比諗自己無D 咩來得正面。甘作為一個八十後的黃毛小子又有D 咩呀？時間，自由度，熱血，朋友，錯得(唔係呀麻，錯得都有用？係，俗語都話"少年得志大不幸" 趁年輕錯左，都有得用時間去改返麻)，八掛(唔係呀麻，八掛都係有用？八掛係有用，不過唔係風水個個八掛，係對社會發生緊咩事個隻八掛，已故的賺錢之神邱永漢講過佢係一個社會觀察家，佢做O既野只係睇緊個社會發生緊咩事，而佢去到八十多數高齡仲睇住股票同其他資產唔係因為佢唔化，係因為佢對個社會發生O既事好有興趣，好八掛!)......下刪好多八十後有O既野。既然係甘，我雖然本少，但係我有其他野WOR，甘有咩好搞呢？其實小弟身邊有唔少八十後O既朋友都比小弟叻，佢地比我更早領悟到自己有O既優勢，有D 去左搞生意，有D 去左用時間搵$，總之各式其式都用緊佢地自己的優勢。而我呢，就好記得《一個投機者的告白》入面的一句:。「有錢的人，可以投機，錢少的人，不可以投機，根本沒錢的人，必須投機。」好不幸地，我唔係個個有錢的人，我正正就係根本沒錢的人，於是我必須投機。